ညရဲ႕အလွမွာ စီးေမ်ာေနတဲ့သူတစ္ေယာက္ဟာ လတစ္စင္းကုိ႐ူးသြပ္ခြင့္ရွိသလုိ
မင္းရဲ႕အလွမွာ နစ္ေမ်ာေနတဲ့ငါ့မွာလဲ မင္းတစ္ေယာက္ကုိ႐ူးသြပ္ခြင့္ရွိတယ္ေလ
ဒါေပမယ့္ Cleopatra ကုိေတာ့ ငါၾကည့္လုိ႔မရဘူး
မင္းထြက္သြားခဲ့တယ္ မင္းထားသြားခဲ့တယ္ မင္းေခါက္ထားခဲ့တယ္
ေပ်ာ္ရႊင္ပါေစ မင္းတစ္ေယာက္ ဘယ္ေရာက္ေရာက္
ငါ… ဒီမွာပဲ ေစာင့္ေနလုိက္မယ္ သုည တစ္လုံးကုိပဲ ခြဲျခမ္းစိတ္ျဖာေနလုိက္မယ္
မနက္ျဖန္မ်ားစြာရွိတယ္… မနက္ျဖန္ေတြကုိ သိပ္ခ်စ္၊ သိပ္ေမွ်ာ္လင့္ေနေပမယ့္
မေန႔က ကုိေတာ့ ငါသိပ္မုန္းတယ္
အတိတ္ဟာအတိတ္ အနာဂတ္ဟာအနာဂတ္ ဆုိေပမယ့္
ငါ႔ရဲ႕အနာဂတ္ေတြဟာ အတိတ္ရဲ႕တေစၧေတြျဖစ္ေနတယ္
ေတာင္တစ္လံုးထိပ္က ၾကယ္တစ္ပြင့္ကုိ မင္း႐ုိက္ခ်လုိက္ရင္ေတာင္
ငါဆုေတာင္းမိလိမ့္မယ္ မိုးမရြာဖုိ႔
မင္းမွာထီးမပါတာ ငါသိေနလုိ႔ေပါ့
ဟုိတစ္ရက္ကေတာင္ FMI ကေန မုိးရြာထဲျပန္ခဲ့ရတယ္ေလ
မင္းရဲ႕သူငယ္ခ်င္းကုိေတာင္ တစ္ခါမွမျမင္ဖူးပဲ မုန္းလုိက္မိတယ္
ထားလုိက္ပါ… အတိတ္ကိုသိပ္မစဥ္းစားခ်င္ဘူး
ရုပ္၀တၳဳေတြကုိ စိတ္၀င္စားၾကည့္လုိက္တယ္
ခဏပါပဲ သူတုိ႔က သက္မဲ့ေတြပဲဟာ
သက္ရွိနဲ႔ေတာ့ဘယ္တူမလဲ
ငါ့အတြက္ေတာ့ ခံစားခ်က္က အေရးႀကီးတယ္ေလ
ခံစားခ်က္နဲ႔ရွင္သန္ေနတဲ့ထဲမွာ မင္းကုိမစြန္႔လႊတ္ႏုိင္ဘူး
သိတယ္မလား ခံစားခ်က္မပါရင္ ဘာကုိမွမလုိခ်င္ဘူး
အေမွ်ာ္လင့္ႀကီးေမွ်ာ္လင့္ရင္ေတာ့ အ႐ံႈးႀကီး႐ံႈးမွာပဲ
သိတယ္…. ဒါေပမယ့္ နဲနဲလြတ္သြားခဲ့တယ္
မရည္ရြယ္ပါဘူး အဲေလာက္ျဖစ္သြားမယ္လုိ႔
မာနနဲ႔ေဒါသနဲ႔ၾကားမွာငါ… ဗ်ာမ်ားသြားခဲ့တယ္
ဗုဒၶၶသာသိရင္ ခ်ီးက်ဴးမွာပဲ ဥပကၡာထားႏုိင္ခဲ့လုိ႔
ငါ့ကုိယ္ငါေတာင္မသိလုိက္ဘူး
မွားၿပီးသားအမွားကုိ ထပ္မွားမိရတယ္လုိ႔
အမွတ္တရျဖစ္ေအာင္
အဲဒီ CD ထဲကသီခ်င္းေတြကိုပဲ နားေထာင္ေနလုိက္ေတာ့မယ္
[Unicode]
ညရဲ့အလှမှာ စီးမျောနေတဲ့သူတစ်ယောက်ဟာ လတစ်စင်းကိုရူးသွပ်ခွင့်ရှိသလို
မင်းရဲ့အလှမှာ နစ်မျောနေတဲ့ငါ့မှာလဲ မင်းတစ်ယောက်ကိုရူးသွပ်ခွင့်ရှိတယ်လေ
ဒါပေမယ့် Cleopatra ကိုတော့ ငါကြည့်လို့မရဘူး
မင်းထွက်သွားခဲ့တယ် မင်းထားသွားခဲ့တယ် မင်းခေါက်ထားခဲ့တယ်
ပျော်ရွှင်ပါစေ မင်းတစ်ယောက် ဘယ်ရောက်ရောက်
ငါ… ဒီမှာပဲ စောင့်နေလိုက်မယ် သုည တစ်လုံးကိုပဲ ခွဲခြမ်းစိတ်ဖြာနေလိုက်မယ်
မနက်ဖြန်များစွာရှိတယ်… မနက်ဖြန်တွေကို သိပ်ချစ်၊ သိပ်မျှော်လင့်နေပေမယ့်
မနေ့က ကိုတော့ ငါသိပ်မုန်းတယ်
အတိတ်ဟာအတိတ် အနာဂတ်ဟာအနာဂတ် ဆိုပေမယ့်
ငါ့ရဲ့အနာဂတ်တွေဟာ အတိတ်ရဲ့တစ္ဆေတွေဖြစ်နေတယ်
တောင်တစ်လုံးထိပ်က ကြယ်တစ်ပွင့်ကို မင်းရိုက်ချလိုက်ရင်တောင်
ငါဆုတောင်းမိလိမ့်မယ် မိုးမရွာဖို့
မင်းမှာထီးမပါတာ ငါသိနေလို့ပေါ့
ဟိုတစ်ရက်ကတောင် FMI ကနေ မိုးရွာထဲပြန်ခဲ့ရတယ်လေ
မင်းရဲ့သူငယ်ချင်းကိုတောင် တစ်ခါမှမမြင်ဖူးပဲ မုန်းလိုက်မိတယ်
ထားလိုက်ပါ… အတိတ်ကိုသိပ်မစဉ်းစားချင်ဘူး
ရုပ်ဝတ္ထုတွေကို စိတ်ဝင်စားကြည့်လိုက်တယ်
ခဏပါပဲ သူတို့က သက်မဲ့တွေပဲဟာ
သက်ရှိနဲ့တော့ဘယ်တူမလဲ
ငါ့အတွက်တော့ ခံစားချက်က အရေးကြီးတယ်လေ
ခံစားချက်နဲ့ရှင်သန်နေတဲ့ထဲမှာ မင်းကိုမစွန့်လွှတ်နိုင်ဘူး
သိတယ်မလား ခံစားချက်မပါရင် ဘာကိုမှမလိုချင်ဘူး
အမျှော်လင့်ကြီးမျှော်လင့်ရင်တော့ အရှုံးကြီးရှုံးမှာပဲ
သိတယ်…. ဒါပေမယ့် နဲနဲလွတ်သွားခဲ့တယ်
မရည်ရွယ်ပါဘူး အဲလောက်ဖြစ်သွားမယ်လို့
မာနနဲ့ဒေါသနဲ့ကြားမှာငါ… ဗျာများသွားခဲ့တယ်
ဗုဒ္ဓ္ဓသာသိရင် ချီးကျူးမှာပဲ ဥပက္ခာထားနိုင်ခဲ့လို့
ငါ့ကိုယ်ငါတောင်မသိလိုက်ဘူး
မှားပြီးသားအမှားကို ထပ်မှားမိရတယ်လို့
အမှတ်တရဖြစ်အောင်
အဲဒီ CD ထဲကသီချင်းတွေကိုပဲ နားထောင်နေလိုက်တော့မယ်
